Heziketa Ziklorako hezkuntza baldintzak eta bideak.

Erdi Maila – D gradua

Erdi-mailako heziketa-zikloetara sartzeko, gutxienez honako baldintza hauetako bat bete behar da:

a) Derrigorrezko Bigarren Hezkuntzako graduatuaren titulua edukitzea

b) Oinarrizko Lanbide Heziketaren titulua edukitzea.

c) Lanbide Heziketako Teknikari titulua edukitzea.

d) Erdi-mailako heziketa-zikloetara sartzeko prestakuntza espezifikoko ikastaroa gainditu izana Hezkuntza Administrazioak baimendutako ikastetxe publikoetan edo pribatuetan.

e) Erdi-mailako edo goi-mailako heziketa-zikloetara sartzeko proba gainditu izana, edo 25 urtetik gorakoak edo 45 urteko unibertsitatean sartzeko proba gainditu izana.

f) mailako C mailako prestakuntza-eskaintza gainditu izana, heziketa-zikloaren barruan.

g) Uztailaren 18ko 659/2023 Errege Dekretuaren seigarren xedapen gehigarriaren 1. paragrafoan ezarritako erdi-mailako heziketa-zikloetan sartzeko titulazio baliokideren bat izatea egiaztatzea:

• Teknikari laguntzailearen titulua
• Teknikari-titulua
• Goi-mailako batxiler-titulua, maiatzaren 3ko 2/2006 Lege Organikoaren aurreko planen arabera emana.
• Irakaskuntza ertainak erreformatzeko lehen ziklo esperimentaleko bigarren maila gainditu izana.
• Arte Aplikatuen eta Lanbide Artistikoen ikasketetako 1963ko planaren hirugarren maila edo komuneko bigarren maila esperimentala gainditu izana.
• Batxilergo Bateratu eta Balioaniztuneko (BBB) lehen bi mailetan gehienez bi ikasgai gainditu gabe dituela egiaztatzea.
• Hurrengo atalean ezarritako goi-mailako heziketa-zikloetan sartzeko titulazio baliokideren bat egiaztatuta izatea.
• Aipatutako ikasketen baliokideak diren beste ikasketa edo prestakuntza-ikastaro batzuk gainditu izana.

h) Atzerriko ikasketak lehenago zerrendatutako tituluren batekin homologatzeko egiaztagiria. Homologatze-prozedura ebatzi gabe baldin badago, Baldintzapean Izena emateko Txartela onartuko da.

Gainera, Erdi-Mailako Heziketa-Zikloetarako plaza-eskaera eskaintza baino handiagoa bada, Hezkuntza-Administrazioek ikastetxean onarpeneko eta kupo lehentasunak ezarri ahalko dituzte. Hemen daukazue bide desberdinetako laburpena:

1. bidea (%75): Derrigorrezko Bigarren Hezkuntzako graduatu-titulua edo Lanbide Heziketako oinarrizko teknikari titulua dutela egiaztatzen dutenentzat, honako lehentasun-hurrenkera honi jarraituz:

%60 Derrigorrezko Bigarren Hezkuntzako graduatu-titulua egiaztatzen dutenentzat. 2022-2023 ikasturtetik aurrera oinarrizko graduko titulua duten ikasle guztiak Derrigorrezko Bigarren Hezkuntzako graduatu-tituluarekin sartuko dira.

Plazen %50 DBHko titulua egiaztatzen dutenentzat, lehentasuna izanik azken hiru urte naturaletan ikasketak amaitu dituztenek

Plazen %5a Derrigorrezko Bigarren Hezkuntzako titulua Helduen Hezkuntzan (HHE) eskuratu dutenentzat.

Plazen %5a ikasketak atzerrian egin eta eskuratutako titulazioa homologatzeke duten ikasleentzat, betiere aurretiaz Baldintzapean izena Emateko Txartela aurkezten badute.

%15 Lanbide Heziketako oinarrizko teknikari titulua 2021-2022 ikasturtean edo lehenago lortuta dutenentzat.

Afinitate hauek zehaztu dira: EHAA – V. Eranskina – I. Taulan (39.orr.).

2. bidea (%15): berariazko prestakuntza-ikastaro bat edo sarbide-proba bat gainditu duten pertsonei esleituko zaie.

Plazen %10 erdi edo goi-mailako heziketa-zikloetara sartzeko probak gainditu dituztenentzat edo unibertsitatera sartzeko proba gainditu dutenentzat; lehentasuna izango dute erdi-mailako Heziketa zikloetan sartzeko probek, hurrena goi mailakoek, eta, azkenik, unibertsitatekoek.

Plazen %5 bereziazko prestakuntza-ikastaro bat gainditu dutenentzat.

3. bidea (%10): honako sarbide edo kolektibo hauei, lehentasunen ordena honetan emango zaie:

Plazen %5 teknikari-titulua duten pertsonentzat edo sartzeko titulazio baliokidea dutela
egiaztatzen dutenentzat:

• Lanbide-arlo bereko zikloetako tituludunak.
• Beste lanbide-arlo batzuetako zikloetako tituludunak.
• Gainerako titulazioak.

Plazen %5 goi-mailako teknikariaren titulua duten pertsonentzat, edo sartzeko titulazio
baliokidea egiaztatzen dutenentzat, lehentasun-hurrenkera honen arabera:

• Lanbide-arlo bereko zikloetako tituludunak.
• Beste lanbide-arlo batzuetako zikloetako tituludunak.
• Gainerako titulazioak.

Goi Maila – D gradua

Goi-mailako zikloetara sartzeko, gutxienez honako baldintza hauetako bat bete behar da:

1. Batxilergoko titulua izatea.
2. Lanbide Heziketako teknikari tituloa edo Arte Aplikatuen eta Lanbide Artistikoen tituloa izatea.
3. Heziketa-zikloan sartutako 3. mailako C mailako prestakuntza-eskaintza gainditu izana.
4. Hezkuntza-administrazioak baimendutako ikastetxe publiko edo pribatuetan goi-mailako heziketa-zikloetan sartzeko prestatzeko berariazko prestakuntza-ikastaroa gainditu izana.
5. Goi-mailako heziketa-zikloetarako sarbide-proba gainditu izana, edo 25 urtetik gorakoak edo 45 urteko unibertsitatean sartzeko proba gainditu izana.
6. Lanbide Hezkiketako Goi Mailako teknikari tituloa edo Unibertsitate-titulu bat izatea.
7. Uztailaren 18ko 659/2023 Errege Dekretuaren seigarren xedapen gehigarriaren 2. paragrafoan ezarritako goi-mailako heziketa-zikloetan sartzeko titulazio baliokideren bat izatea egiaztatzea:

– Batxilergoko titulua, Hezkuntza Sistemaren Antolamendu Orokorrari buruzko urriaren 3ko 1/1990 Lege Organikoan ezarritakoa.

– Batxilergo Bateratu Balioaniztuneko (BBB) titulua edo titulua lortzeko irakasgai guztiak gaindituta izatea.

– Batxilergo Esperimentaleko edozein modalitatetako bigarren maila gaindituta izatea.

– Unibertsitateko edo unibertsitate aurreko orientazio-ikastaroa gainditu izana.

– Teknikari espezialistaren titulua, goi-mailako teknikariaren titulua edo baliokidea ondorio akademikoetarako.

– Unibertsitate-titulua edo baliokidea.

        h. Atzerriko ikasketak lehenago zerrendatutako tituluren batekin homologatzeko egiaztagiria: homologatze-prozedura ebatzi gabe baldin badago, Baldintzapean Izena emateko Txartela onartuko da.

Goi-Mailako Heziketa-Zikloetarako plaza-eskaera eskaintza baino handiagoa bada, Hezkuntza-Administrazioek ikastetxean onarpeneko kupo eta lehentasunak ezarri ahalko dituzte. Hemen daukazue bide desberdinetako laburpena

1. bidea (%80): Batxilergoko titulua edo Lanbide Heziketako teknikari titulua egiaztatzen dutenentzat, honela banatuta:

Plazen %40 Batxilergoko titulua egiaztatzen dutenentzat, lehentasuna izanik azken hiru ikasturteetan titulua lortu dutenek, honako kuotak kontuan hartuz:

Plazen %35 Batxilergoko titulua egiaztatzen dutenentzat, jarraian adierazten den lehentasun-hurrenkerari jarraituz:

1. Onarpen-irizpide gisa ezarritako Batxilergoko modalitatea eta, hala badagokio, irakasgaia egin izana; prestakuntza profesionalaren titulu zehatza ezartzen duen errege-dekretuan dago zehaztuta hori, eta hemen jaso da: V. Eranskina – III (47.orr.). Taula Batxilergoko titulu batetik sartzeko lehentasunak.
2. Batxilergoko modalitatea egin izana, baina ez irakasgaia, aurreko apartatuan aipatutakoak.
3. Batxilergoko beste modalitate bat egin izana.

Plazen %5 ikasketak atzerrian egin eta eskuratutako titulazioa homologatzeke duten
ikasleentzat.

Eskuratutako titulazioa homologatzeke duten ikasleentzat, betiere aurretiaz Baldintzapean izena Emateko Txartela aurkezten badute.

Plazen %40 Lanbide Heziketako teknikari titulua egiaztatzen dutenentzat, azken hiru
ikasturteetan lortuta

EHAA – V. Eranskineko II. taulan (42.orr.) zerrendatutako lehentasun-hurrenkerari jarraituz – Erdi-mailako titulu batetik goi-mailako titulu batera sartzeko lehentasunak–.

2. bidea (%15): berariazko prestakuntza-ikastaro bat edo sarbide-proba bat gainditu duten pertsonei esleituko zaie.

Plazen %7,5 goi-mailako heziketa-zikloetara sartzeko probak gainditu dituztenentzat edo unibertsitatera sartzeko probak, lehentasuna izanik goi-mailako heziketa-zikloetako probak.

Plazen %7,5 prestakuntza-ikastaro berezitu bat gainditu dutenentzat.

3. bidea (%5): goi mailako teknikari-titulua duten pertsonentzat edo sartzeko titulazio baliokidea dutela egiaztatzen dutenentzat, lehentasun-hurrenkera honen arabera:

1. Lanbide-arlo bereko zikloetako tituludunak.
2. Beste lanbide-arlo batzuetako zikloetako tituludunak.
3. Gainerako tituludunak

> Informazio-iturria: EHAA, 2025ko apirilaren 30ean, argitaratutako agindua ikusi.